L-Għarusa

Dan l-istaġun tal-Halloween, Teatru Malta, f’ko-produzzjoni ma’ Heritage Malta u b’appoġġ mill-Fondazzjoni Ċelebrazzjonijiet Nazzjonali se jkunu qegħdin jippreżentaw adattament b’xejn tad-dramm b’att wieħed ta’ Ġużè Diacono, “L-Għarusa” b’kommemorazzjoni tal-110 snin minn twelidu u tal-20 sena anniversarju mill-mewt tiegħu. Id-dramm jiffoka fuq it-turmenti mentali u emottivi ta’ Sor Wistina li daħlet soru wara li rat lill-maħbub tagħha jegħreq u jmut traġikament, b’għajnjejha stess. It-trawma ta’ dan wasslitha biex titlef ir-raġuni tar-realtà, u qarrqet lilha nnifisha fejn bdiet tħawwad il-maħbub mejjet tagħha ma’ Ġesù Kristu nnifsu, iżda Wistina se ċċedi għall-passjonijiet tagħha? Għandna att wieħed biex niskopru dan.

------------------------------

ETÀ: 15+

LINGWA: Malti

TAĦDITA TEATRU: 21 ta’ Ottubru 2022 (Wara l-ispettaklu) 

F’ko-produzzjoni ma’ Heritage Malta u appoġġjat mill-Fondazzjoni Ċelebrazzjonijiet Nazzjonali u l-Kunsill Malti għall-Arti