Għas-servizz tal-Inkwiżitur: L-uffiċjali, il-ħaddiema u l-gabillotti

Bħal kull istituzzjoni oħra, l-Inkwiżizzjoni kellha n-nies tagħha. F’din is-sessjoni, se nkunu qed niddiskutu: X’kien ifisser li tkun patentat tal-Inkwiżitur? X’kienu t-tliet kategoriji ta’ patentati? X’tip ta’ privileġġi kellhom? X’differenza hemm bejn il-proċessi kriminali u dawk ċivili? X’kienet il-korrelazzjoni bejn il-patentati u l-iskjavi tagħhom?

Biex tiskopri dan kollu u aktar, ingħaqad ma’ Rachel Grillo, Kordinatriċi għar-Riċerka fil-Palazz tal-Inkwiżitur, għar-raba’ u l-aħħar sessjoni minn serje ta’ taħditiet bla ħlas maħsuba minn Heritage Malta biex tressaq lil min hu interessat lejn għarfien aktar sħiħ ta’ din l-istituzzjoni storika f’pajjiżna. It-taħdita se ssir fil-Palazz stess nhar il-Ħamis 22 ta’ Frar 2024 fis-7.00pm. Il-biljetti huma limitati u jistgħu jinqatgħu mis-siti u l-mużewijiet kollha ta’ Heritage Malta jew online fuq Store – Heritage Malta.